Azaroak 25: Emakumeen aurkako Indarkeria Ezabatzeko Nazioarteko Eguneko jarduerak

IMH bat egiten dugu azaroaren 25ean, Emakumeenganako Indarkeriaren Aurkako Nazioarteko Egunean, adierazten diren balio eta aldarrikapenekin.

 

2022eko ekintzak

Ikasleekin

Horrez gain, azaroaren 25eko egunaren aurretik, "Putazalerik ez balego, ez litzateke prostituziorik egongo, ezta pertsonen saleroskerik ere" esaldiaren aurrean gogoeta egitea eskatu genien eta postitetan jaso genituen berairen erantzunak.

Lankideekin

Berdintasun batzordetik lankideei gogora ekarri genien Emakundek zalbadu duen aurtengo mezua "Zer ez duzu ulertu nahi? Soilik bai da baietz"; bestalde, "Zure gustukua naiz? Nire gustukua naiz!" kartela zabaldu genuen, gogoeta egiteko, eta azkenik, jazarpenen kontrako protokoloa badugula gogoratu genien, laguntza behar izanez gero nora joan jakiteko.

 

 

2021eko ekintzak

Elkarretaratzea

Berdintasun planekin koordinatuta, azaroaren 25ean ikasle-irakasle-lankide ordezkariak elkartu gara IMHko portxean, eta ondoren ikasgeletan partekatu dugu mezua. Aurten genero indarkeria pairatzean egin daitekeen laguntza eskatzeko seinalearen berri eman dugu. Nola egiten den eta zer egin laguntza eskatzen digun pertsonari laguntzeko.

 

Ikusi ELKARRETARATZE deialdia.

Maskulinitatea eta genero identitateari buruzko tailerrak

Heziketa zikloetako bigarren mailako ikasleak, Piper Txuriak taldearen laguntzarekin "Maskulinitateak" lantzen ari dira, eta "Kolore Morea" taldearen laguntzarekin genero identitateak. Azken honetan,  generoa eta sexua normarekin bat ez datorrenean pertsonak bizi dituen zailtasunak, familian, harremanetan... nola eragiten duten azalduko dute, beraien esperientzia pertsonaletatik abiatuta.

Lehen mailako ikasleekin Orientazioa-IMH blogean sortu genuen mapa landuko dugu, bertatik ikus daitezke Beldur Barik lehiaketarako Fabrikazioko ikasleek landu duten bideoa (ikusi hemen bideoa, merezi du), Berria-an dagoen genero biktimen mapa interaktiboa eta gehiago.

Ikusi Orientazioa-IMH blogeko genero indarkeriaren poster interaktiboa.

Gizarteko ekintzak

Gutako bakoitzaren herrietan antolatu diren ekintzetan parte hartzera animatu nahi zaituztegu. Ikusi hemen Elgoibarko ekintzak.

Gogoetarako eta gure kontzientzatik ekintzera pasatzeko, Emakundek sortutako bideoa partekatzen dugu.

 

2020ko ekintzak

Pandemiaren eraginez elkarretaratzea ez dugu egingo baina hainbat ekintza antolatu dira IMHko komunitatean. Esaterako, IMHko zikloetako ikasleekin parte hartu dute Beldur Barik eta Maskulinitatearen inguruan Hiruki Larroxarekin antolatutako tailerrean.

Zuen herrietan antolatu diren ekintzetan parte hartzera animatu nahi zaituztegu. Ikusi hemen Elgoibarko ekintzak.

Gogoetarako eta gure kontzientzatik ekintzera pasatzeko, Emakundek sortutako bideoa partekatzen dugu.