IMHko Heziketa Zikloen Diploma eta Sari banaketa

2008/06/27 00:00:00 GMT+2
Ekainaren 27an Elgoibarko IMHko Ziklo Industrialen diplomak eta 6. edizioko IMH Sarien banaketa ekitaldia burutu zen

Ekitaldira ikasle eta irakasleez gain, guraso eta IMH Sarien enpresa babesleen ordezkariak bertaratu ziren. Parte hartu zuten:

 

  • Alfredo Etxeberria, Elgoibarko Alkatea

  • Sabin Zabala, Gipuzkoako Etengabeko Ikaskuntzarako Arduraduna

  • Xabier Ortueta, AFMko zuzendari Orokorra

 

Guztira IMHko HEZIKETA ZIKLOETAKO 68 ikaslek jaso dute diploma alor ezberdinetakoak: Proiektu Mekanikoen Garapena, Mekanizazio Bidezko Produkzioa, Industri Ekipoen Mantenimendua, goi-mailan, eta Mekanizatua eta Instalazio eta mantenimendu elektromekanikoa erdi-mailan.

 

Ikasketak amaitu ondoren ikasleen %80ak lan kontratua du hitzartuta dagoeneko. %15ek ikasten jarraituko du, gehienak IMH Ingeniaritza Eskolan.

 

Ekitaldian gainera aurtengo IMH Sariak eman ziren. Lanean diharduten ikasle ohiek sektoreari ematen dioten ekarpena errekonozitu nahi dugu Sariekin, eta Lanbide Heziketak gizartean duen eragina errekonozitu eta sustatu. Aurten IMHk Sariak Martin Aristiri eskaini nahi izan dizkio, Sarietan parte hartzen duen Danobat Taldeko Giza Baliabideetako zuzendaria izandakoari (udaberrian ezbeharrez zendu zena).

 

Sariak:

  • Ikasle aipagarria 2008: Joseba Aramendi, fabrikazioko ikaslea (ikasketa poltsa: 1.500 euro)

  • Aipamen berezia 2008: Eneritz Iraeta, diseinuko ikaslea (ikasketa poltsa 1.500 euro)

  • Ikasle ohi aipagarria 2008: Edurne Iriondo Plaza, ikasle ohi aipagarria, IMHko figura korporatiboa.

 

Sariak 43 enpresei esker antolatu dira (6 babesle eta 37 kolaboratzaile). IMHko esker ona guztiei.

 

Edurne Iriondoren hitzaldia

Argazki batzuk: