SAVVY eta IMHren elkarlana fabrikazio digitalaren esparruan

2020/12/01 18:08:00 GMT+1
Bi erakundeek sinatutako hitzarmenaren bidez Fabrikazio Aurreratuaren eta Digitalaren arloan dagoen lankidetza sendotuko dute.

SAVVY Data Systems-eko Fernando Saenz eta IMHko Ixaka Egurbidek elkarlan hitzarmena sinatu dute.

Lankidetza horren bidez, IMHk Savvyren teknologia ezarriko du Lantegi Digitalaren instalazioetan, makinetatik lortutako datuak tratatzeko eta aztertzeko, ekoizpen-prozesuen hobekuntzan ikertzeko helburuarekin. Akordioa manufaktura-industriarako eta bereziki ETEetarako erakusketa eta transferentzia zentroa izateko estrategiaren barruan kokatzen da.

Horrez gain, bi erakundeek digitalizazio eta zibersegurtasun arloetako prestakuntza espezifikoetan elkarlanean jardungo dute (Fabrikazio Digitalaren masterrean eta hainbat formakuntza ekintzetan).