Euskararen Eguna IMHn: Ikasleekin ekintzak

2015/11/23 00:00:00 GMT+1
Abenduaren 3an nazioarteko ospakizuna dela eta IMHn ere badihardugu hainbat ekintza garatzen. Ikusi zerrenda eta apuntatu zaitez!

Euskararen Eguna

Ikasleentzako ekintzak

AZAROAREN 23-28 BITARTEAN:

  • 365 LIP-DUB GRABAKETA. Hitzordua: Azaroaren 28an, 12.00etan Elgoibarko S.Bartolome kaleko hasieran (Ferpi-Iriondo dendak). Ekarri zuen bata berdeak eta kalibre, polimetroak, dituzuenok!
  • DANOBATGROUP LEHIAKETA (Heziketa zikloetako ikasleentzat). Erantzun makina erreminta arloko enpresa talde ezagunaren galdetegiari eta irabazi Tablet bat!
  • EUSKARA IKUSGARRI: Proposatu zure gelako 2 ikaskide euskara ikusgarri egiten dutenak, eta esan zergatik. Kultu bonoa zozketatuk dugu parte hartzaileen artean eta euskara ikusgarri proposatu duzuenon artean.
  • BERTSO-KOPLA GRABAKETA. Elgoibarko Ikastetxe guztietako ikasleen artean azaroaren 25ean grabatutako bertsoa, euskararen egunean elkarrekin abesteko. Grabaketan Muntai Elektromekanikoko erdi-mailako ikasleek parte hartu dute. IMHkoa hemen duzue!

(Doinua: Egun da Santi Mamiña)

  • Piezak lantzeko teknika,
  • da makina erreminta.
  • Guk nortasuna,  gehitzen diogu
  • euskara erabilita!

(Xabier Astigarraga)

_______

  • Tornu eta zerra zinta
  • kontrapuntu ta plakita
  • hauez gai ere, euskara dugu
  • beharrezko erreminta

(Ion Arrieta)

ABENDUAREN 3an:

  • 8.00etan, Atarian: EUSKAL MUSIKA. Oskorri taldearen doinuak (45 urte ondoren amaitu du bere jarduna).
  • Egun osoan zehar: ARGAZKI-HITZ lehiaketa. Proposatu epostaz edo whatsap bidez makina erremintaren irudia euskarazko hitz-esaldi batekin eta sari baten zozketan parte hartuko duzu.
  • 9.00etan Areto Nagusian: HIZKUNTZEN KUDEAKETA, Sentiberatze saioa HEZIKETA ZIKLOETAKO 1. MAILAKO IKASLEENTZAT.
  • 11.00etan atarian: DANOBATGROUP lehiaketa eta EUSKARA IKUSGARRIA lehiaketaren emaitzak eta kultur bonuaren zozketa.