Aliantzak / Lankidetzak

IMHk hainbat sare eta aliantzatan parte hartzen du bere jardueraren garapenerako. Horri esker, gure kolaboratzaile eta bezeroei eskaintzarik osatuena eskain diezaiekegu, gure ahalmena biderkatuz, sare lanean.

 


Aliantza sektorialak


AFMCluster

IMH  Fabrikazio Aurreratuaren interesak Espainian ordezkatzen dituen AFMClusterren parte da. AFMClusterLau industria-elkartek osatzen dute, eta 500 enpresa baino gehiago biltzen ditu. Guztira, 16.500 pertsona daude eta 3.000 milioi euro baino gehiago fakturatzen dituzte. AFM Clusterrek lan egiten du internazionalizazioa, industria-garapena, posizionamendu estrategikoa eta pertsonen trebakuntza sustatzeko, lau sektore nagusitan: makina-erreminta eta fabrikazio aurreratuko teknologiak; Fabrikazio gehigarri eta 3D inpresioa; Eskuzko erremintak, burdindegi eta hornidura industriala; Mekanizazioa eta transformazio metalmekanikoa.

Makina Erremintaren Museoa

IMH Makina Erremintaren Museoko Fundazioko Patronatukidea da. Museoaren helburuak dira: Makina-erremintarekin erlazionatutako ondare industriala berreskuratu eta kontserbatzea; eboluzio teknologikoa erakusteko baliabide didaktiko gisa baliagarri izatea; 3. Dokumentazio zerbitzu bat martxan jartzea, iraganeko herentzia bilduz, makina-erremintaren sektorearen etorkizuneko garapen teknologikoa errazteko; Turismo eta kultura eskaintza sendotzea.
 

CFAA

CFAA, Fabrikazio Aeronautiko Aurreratuko Zentroa, produkziotik hurbil dauden ikerkuntza mailetako harreman eredu bat bezala jaio da. Bere helburua amaierako aplikazioetan enfokaturik lan egitea da, fabrikazio teknologia aurreratuetan ezagutza sortzeaz gain. IMH CFAAren erakunde laguntzailea da.

Basque Digital Innovation Hub

Basque Digital Innovation Hub. Eusko Jaurlaritzak berariazko estrategia garatu du Fabrikazio Aurreratuarentzat: Estrategia Basque Industry 4.0. IMH nodo honen partaide da.

Orain Industri 4.0

Orain Industri 4.0 eraldaketa sustatzeko, elkarlanean oinarritutako Gipuzkoako Foru Aldundiaren programa aitzindaria da, non puntako enpresa eta zentro teknologikoek beren lorpenak elkarbanatzen dituzten Gipuzkoako enpresa txiki eta ertainekin.  IMH Gipuzkoa 4.0 Fabrikazio Aurreratuko sarearen partaide da.

Basque Precision Technology District [BPTD]

Industria-sarearen lehiakortasuna hobetuz, Debabarreneko eskualdeko ekonomiaren hazkunde iraunkorra sustatzeko asmo garbia du ekimen honek. Besteak beste, doitasun-teknologien, 4.0 industriaren, robotikaren eta automatikaren alde egiten du.

 


Hezkuntz-Aliantzak


Ikaslan Gipuzkoa

Gipuzkoako Lurraldeko Lanbide Heziketako ikastetxe publikoen sareko partaideak gara.

Tkgune Fabrikazioa

IMH Tkgune Fabrikazkoa Sareko ikastetxe koordinatzailea da. Tkgune produktu eta ekoizpe-produktuen berrikuntza eta hobekuntzarako zerbitzu teknologikoak eskaintzen dituen Eusko Jaurlaritzaren Lanbide Heziketa Sailburuordetzako ikastetxeen sarea da.

CSMS Tiajin

Txinako Tianjin-go Lanbide Heziketako Institutu Teknologiko espainiar-txinarra, CSMC zentrua, Makina erremintaren sektore industrial erabiltzaileentzat langile kualifikatuak prestatzeko  espainiar-txinar elkarlanaren fruitua da, 2003ko abenduan inauguratu zena. IMHk Txinako institutu honekin lanean dihardu sortu zenetik: zazpi urte baino gehiagotan irakasleak prestatu ditugu eta ikasleen  trukaketa egin dugu, gure esperientziaren ekarpena egin dugu txinar zentruaren lanbide heziketa iraunkorrari eta zentru honen antolaketari. Horrez gain, enpresa batzuen eta AFMren artean ipinita, Tianjinen ko-zuzendari iraunkor bat du, eta honen eginkizuna da zentruaren kudeaketan parte hartzea eta enpresa interesatuen helburuak erraztea..

UPV/EHU

IMH  Universidad de País Vasco / Euskal Herriko Unibertsitatera atxikitutako zentroa da. Aliantza honen bidez IMHk eskaintzen dituen unibertsitate tituluak homologatuak eta ofizialak dira: Prozesu eta Produktu Berrikuntza Ingeniaritza Unibertsitate Gradua (duala), Digital Manufacturing Unibertsitate Masterra (duala),  eta ondorengo espezialista tituluak: Fabrikazio gehigarria, Industria 4.0rako Datuen analitika proiektuak, eta  Fabrikazio Industrialerako Simulazio-Teknologiak (azken hau onarpenaren zain).

FPEmpresa

FPenpresa irabazi asmorik gabeko elkartea da, eta Espainia osoko Lanbide Heziketako Zentro publiko eta itunduak biltzen ditu. Elkartea Lanbide Heziketako Zentroak elkartzeko tokia da, izan ere, edozein motatakoa izan behar du, izan ere, enpresa-munduarekin harremanak sustatu nahi ditu, eta, horretarako, esperientziak partekatzeko gai diren ikastetxeen sare bat sortzen lagundu nahi du, herrialde horretako Lanbide Heziketako Sistema garatzen eta sustatzen lagundu nahi duten proiektuak. IMHk Euskal Herriko, Nafarroako eta Errioxako ordezkari gisa parte hartzen du FPEmpresaren zuzendaritza-batzordean.

 

Lankidetzak


Hainbat jarduera egiteko lankidetzan dihardugun enpresa/erakundeak:

  • IMHbazkide

    IMH BAZKIDE enpresei zuzendutako kolaborazio formula bat da, helburu bikoitza duena: Egungo formazio eta zerbitzu eskaintza finkatu eta hobetu; enpresei zerbitzu pertsonalizatua ematea.
  • ILS

    Atzerriko hizkuntzen zerbitzu eta formakuntza (Oxford Test of English).  Industry Language Services SL, ILS, 1991n sortu zen Makina Erremintaren Institutuaren (IMH) babespean. Haren helburua institutu eta enpresetako hizkuntza-zerbitzuen eskariari aurre egitea da, hizkuntzen irakaskuntza, itzulpengintza eta interpretazioaren arloetan.
  • Elgoibarko Udala

    "Bitzitzarako prestakuntza euskaraz" eta Sustapen ekonomiko Sailaren "Asmaola", "Tkgune" eta  "Ingeniaritza Duala" programak sustatzeko eta bideratzeko hitzarmena.
  • Gipuzkoako Foru Aldundia

    IMHren Fabrikazio Gehigarria eta 3D proiektua garatzeko lankidetza.
  • Fagor Automation

    Bi erakundeen arteko hitzarmenaren helburuak dira proiektu teknologikoak sustatzea eta irakasleak, ikertzaileak eta ikasleak Fagor Automationek inplementatutako azken berritasunen gainean trebatzea.
  • Siemens

    Lankidetza honen bidez, IMH Siemens formakuntza-"partnerra" da eta enplegurako prestakuntza enpresa alemanaren jatorrizko agiriarekin ematen du.
  • Heidenhain

    Lankidetza honen bidez IMH HEIDENHAIN TCN programazio mintegiak emateko ikastetxe baimendua da.

  • Azpeitiko udala

    Makina erremintaren inguruan herritarren formakuntza aurreratua indartzeko hitzarmena.
  • Quivacolor

    Industriarentzat produktu kimikoak ekoizten dituen Itziarko enpresak olio hozgarri, hidrauliko eta koipeztatzekoak prezio oso berezian ematen dizkigu, guk Quivacolorri aitortza publikoa egitearen truke.