Lantokiko prestakuntza

zikloa_lantokiko_prestakuntza.jpg

Lantokiko prestakuntza modulua goi zein erdi mailako heziketa zikloetan egiten da, bigarren ikasturtean, martxotik ekainera bitartean eta eskola ordutegian, enpresa ordutegiari egokituta. Beste edozein modulu bezala gainditu behar da heziketa zikloaren titulua eskuratzeko.

Ikasleak ikastetxeko tutorea izango du eta enpresako instruktorea, modulu honen jarraipen egokia egin ahal izateko.

Ikastetxea arduratzen da ikaslearentzat enpresa bilaketa egiten, ikasleak aukeratu duen zikloaren espezializazioa kontuan hartuta.

Zure enpresan lantokiko prestakuntza egiteko ikaslea hartzeko interesa baduzu, jar zaitez gurekin harremanetan lanpoltsa@imh.eus helbidean edo bete formulario hau.

Lantokiko Prestakuntza euskaraz

IMHk Elgoibarko Udalarekin proiektu bat garatzen dihardu,  D ereduko ikasleek Elgoibarko enpresetan praktika hauek euskaraz egin ahal izateko, proiektuan parte hartzea onartzen duten enpresetan, alegia.

Bestalde, Gipuzkoako Foru Aldundiak diru laguntzak eskaintzen dizkie modulu hau ikasleari euskaraz egiteko aukera ematen dieten enpresei.

Lantokiko Prestakuntza atzerrian: Erasmus+ egonaldiak

Nahi duten ikasleek Lantokiko Prestakuntza atzerriko epresetan ere egin dezakete Erasmus+ Programaren bidez.  ErasmusPlus Programak bekak eskaintzen ditu ikasleen bidai eta egonaldiaren kostuak ordaindu ahal izateko (batzuetan kostu guztiak estaltzen ditu). Atzerriko enpresaren bileaketa programak berak kudeatzen du eta praktikak martxoa-ekaina bitartean ere burutzen dira. Nagusiki Europako herrialdeetan egiten da.

IMH, Eramus gutunaren jabe.

 

Ikasketak amaitu ondoren: Global Training programa

Ikasketak amaitu ondoren bekak ematen zaie goi-mailako zikloko titulazioa eta ingeleseko B2 maila dutenei, mundu osoko herrialdeetan gutxienez sei hilabeteko praktikak egiteko.  Informazio gehiago Global training webgunean.