Lanbide heziketa duala / Espezializazioa

 

Ikaslea eredu Dualean hartu nahi duzun enpresa bazara, jar zaitez harremanetan lanpoltsa@imh.eus edo 943 74 41 32, 2635 luzapenean (Lan Poltsa).

Lanbide Heziketa Duala

Nahi duten Heziketa Zikloetako ikasleek ikasketak eta lana uztartzen dituzte, enpresarekin definitutako urteko hitzarmen baten bidez. Ikaslea enpresako langile kontratatua izango da, eta enpresa zein ikastetxeko tutoreak izango ditu ikasketa prozesuaren jarraipen egokia egiteko. Hona hemen ezaugarri nagusiak:

  • Hezkuntza programa ikastetxe, enpresa eta ikasle parte hartzaileen arteko akordio batean islatzen da.
  • Prestakuntza programa hezkuntza zentruak diseinatzen du, enpresarekin elkarlanean.
  • Lanbide Heziketa Duala nagusiki Lanbide Heziketako goi mailako bigarren urtean matrikulatzen direnentzat bideratuta dago.
  • Lan jarduera urte beteko iraupena duen prestakuntza eta ikasketa kontratuan edo beka baten oinarritzen da. Ikasleak Lanbiden eman behar du izena eta Lantokietako Pretakuntzatik salbuetsita egon beharko du.

Espezializazio Programa

Duala egin ondoren hirugarren urtea egin daiteke dualean ere, kualifikazio gorena lortzeko. Modu horretan ekoizpen-prozesu konplexuengatik enpresek dituzten beharrei erantzungo die espezializazio programak. IMHk bi motatakoak eskaintzen ditu:

  • Etekin Handiko Mekanizazioa. Fabrikazio Mekanikoaren Produkzioaren Programazioa egin ondoren gauzatu daiteke.
  • Fabrikazio Aurreratuko Makina Erremintako Proiektuak Abiatzea. Mekatronika Industriala egin ondoren gauzatu daiteke.

 Dualaren bantailak ikasleentzat

  • Lan kontratuaren sinadura: Ikasle-langileak Prestakuntza eta Ikasketa kontratua sinatzen du, eta horren bidez hitzarmenak zehaztutako soldata eskuratuko du, baita Gizarte Segurantzan kotizatu ere. Ondorioz, ikaslea independentzia ekonomikoa lortzen joango da.
  • Garapen pertsonala: Enpresaren esperientzia bizitzeak erantzukizun handiagoa dakar. Horren ondorioz ikasketa akademikoari etekin handiagoa ateratzen zaio, non buru-belarri aritzea, kolaborazioa, konpromisoa, iniziatiba eta parte hartzea bezalako gaitasunen garapena ahalbidetzen duen.
  • Enpresan murgilduta: Batetik, enpresaren ikuspegi orokortu eta integrala, antolaketa eta funtzionamendua bereganatuz doa ikaslea. Bestetik, harreman-sarea zabaltzen du.
  • Banakako jarraipena: Ikaslearen jarraipen pertsonalizatua egitea nahitaezkoa da. Ikasle bakoitzak bi tutore ditu, bata enpresan eta bestea IMHn.
zikloa_espezializazioa_mekatronika_asmaolan_neurketan.jpg

Dualaren abantailak enpresentzat

Enpresaren neurrira
  • Enpresatik eta enpresarentzat sortutako ikasketak dira, pertsonalaren prestakuntza enpresaren ezaugarrien arabera optimizatzeko. Hainbat beharretara egokitzen da: belaunaldien erreleboa, lanpostu berrien sorrera, barne-promozioa, produktuen berrikuntza, etab.
Teknikari pertsolanizatua
  • Enpresak zuzenean parte hartzen du profesionalaren prestakuntzan bere proiektuaren neurrira egindako teknikaria lortzeko. Etorkizuneko teknikariak enpresak proposa ditzake (barne-promozioa) edota ikasle-hautagaien artean aukeratu.
  • Enpresa bere osotasunean ezagutzen du, baita egin beharreko atazak ere. Gainera, enpresan postu desberdinak txandakatu eta balio-aniztasunaren aukera ematen du.
    Beste enpresa edo erakunde batean ikasitako biziorik ez da suertatzen.
  • Ikasle/langilea hobeto ezagutzeko aukera, enpresaren etorkizuneko egiturari begira. Pertsonen hautaketa fidagarria, ohikoak diren langile kontrataziorako prozesuak ekidinez.
  • Interes handiko, hasieratiko motibaziodun eta jarrera positibodun pertsonak.

 Informazio gehiago: Eusko Jaurlaritzaren araudia eta laburpen gida (IKAS-EKINEZKO ERREGIMENEKO LANBIDE-HEZIKETA DUALA)