Robotikari eta automatizazio industrialari buruzko STECH jardunaldia

Gaur, IMH Campusen, STECH – AFM Clusterrek antolatutako Technology Workshop-en jardunaldi berri bat hartu dugu, industria-instalazioetako roboten automatizazioaren erronkak eta irtenbideak ardatz hartuta.

Fabrikazio aurreratu eta digitalaren zentro erreferentea garen aldetik, jardunaldian zehar, parte hartu duten enpresekin gure instalazioak, baliabide teknologikoak eta robotikako gaitasunak partekatzeko aukera izan dugu, teknologia horiek talentu industrialaren prestakuntzan zein berrikuntza-proiektuen garapenean eta produkzio-prozesuen hobekuntzan nola aplikatzen ditugun erakutsiz.

Jovi Automatismos, Aldakin eta IKERLANen eskutik esperientzia eta aplikazio errealak ezagutzeaz gain, bertaratu diren pertsonek gure robotika-laborategia bisitatu ahal izan dute eta, erakustaldi praktikoen bidez, robotika industrial, kolaboratibo eta mugikorreko hainbat soluzio aurkitu dituzte.

IMH Campusen hezkuntza, teknologia eta industria konektatzearen aldeko apustua egiten jarraitzen dugu, automatizazio-soluzioak enpresen benetako beharretara hurbilduz eta pertsonak fabrikazio aurreratuaren erronketarako prestatuz.

Eskerrik asko gurekin egon zareten pertsona eta enpresa guztiei zuen interesagatik eta parte hartzeagatik! Eta, bereziki eskerrak STECH – AFM Clusterreko taldeari antolaketagatik eta topagune, ikaskuntza eta lankidetza horiek bultzatzen jarraitzeagatik.