Martxoak 8

2019/03/07 01:00:00 GMT+2
Emakumearen nazioarteko eguna dela eta IMHko adierazpena eta gonbitea.

Martxoaren 8, Nazioarteko Emakumeen Eguna dela eta IMHren adierazpena partekatu nahi dugu eta bide batez gonbidatu bihar, 2019ko martxoaren 8an 11:30etan atarian egingo dugun elkarretaratzera.

Iaz bezala, zapi more edo jantzi morerik ekartzea proposatzen dizuegu.

 

ADIERAZPENA

MARTXOAK 8 – EMAKUMEEN NAZIOARTEKO EGUNA

Gizarteak mezu argia jaso zuen 2018an, Martxoaren 8n eman ziren mobilizazioak direla eta.

2019rako ere indarrean jarraitzen dute emakumeen aldarrikapenek, “Bizitzak Erdigunera” lelopean. Aurten ere, emakumeen bizitzak jasangarri, libre, anitz eta duinak izateko eskaerak aldarrikatuko dira. Beharrezkoa da emakumeen lan-prekarietatea eta pobrezia salatzea, indarkeria matxista guztien aurka egitea, eta bazterkeria eta arrazakeriari uko egitea.

Bizitzak sostengatu eta beroriek erdigunean jartzeko ordainduak eta ordaindugabeak diren lan guztiak beharrezkoak diren heinean, nagusiki emakumeei egokitu zaien zaintza-lan hori guztia eremu pribatu horretatik atera behar dela; hau da, zaintza eta etxeko lanen ardura sozializatu behar dela eta gizonek eta erakunde publikoek ardura zuzenak hartu behar dituztela.

Hori dela eta,

  • IMHk 2019an berdintasun plan eraginkorra abiatu eta burutzeko ardura hartzen du.
  • IMHk, 2019ko martxoaren 8an dela eta, ardura hartzen du langileei greba egiteko eskubideak eta egun honetarako deitutako elkarretaratze eta manifestaldietan parte hartzeko eskubideak bermatzeko.
  • 2019ko martxoaren 8an, 11:30etan IMHko portxean egingo den elkarretaratzean parte hartzeko gonbitea egiten dizuegu lankide eta ikasleei.