Haas Beka Fabrikazioko 68 ikasleentzat
IMH Campuseko 68 ikaslek Haas beka jaso dute 2025-2026 ikasturterako.
IMH Campuseko lanbide heziketako 68 ikaslek jaso dute ikasturte honetan Haas Beka, Gene Haas Foundation-en ekimena, mekanizazioaren eta fabrikazio aurreratuaren arloan lanbide-heziketako ikasleen ahalegina, dedikazioa eta konpromisoa aitortzeko.
Edizio honetan, Fabrikazio Mekanikoko Produkzioaren Programazioko goi mailako 30 ikaslek eta Mekanizazioko erdi mailako 30 ikaslek jaso dute laguntza ekonomiko hau, IMH Campuseko Lanbide Heziketako ikastetxe integratuan beren prestakuntza- eta lanbide-ibilbidea errazteko.
Gene Haas Foundationek hezkuntza teknikoarekin eta industria-sektorean talentu gaztea sustatzearekin duen konpromisoaren erakusgarri da Haas beka. Laguntza horri esker, ikasleek berme handiagoz egin diezaiokete aurre beren prestakuntzari, fabrikazio aurreratuan duten ikaskuntza indartuz.
IMH Campusek lankidetza horren garrantzia azpimarratu du kalitatezko lanbide-heziketa sustatzen jarraitzeko, enpresaren errealitatearekin eta egungo erronka teknologikoekin estuki lotuta.
"Horrelako bekek gure ikasleen ahalegina eta motibazioa aitortzen dute, eta hezkuntza-eremuaren eta industria-sarearen arteko harremana indartzen dute. Gene Haas Foundationi bere konfiantza eta babesa eskertu nahi diogu ", adierazi du IMH Campuseko zuzendaritzak.
IMH Campusek hezkuntza inklusibo, berritzaile eta ikasleen garapen pertsonal eta profesionalarekin konprometituaren aldeko apustua egiten jarraitzen du. Haas Beka bezalako ekimenek etorkizuneko industria gidatuko duten profesionalak prestatzeko misioa indartzen dute.
Haas Bekari buruz
Gene Haas Foundation-ek, Gene Haas-ek, Haas Automation-en sortzaileak, sortua, mundu osoko zentroetan fabrikazioaren eta mekanizazioaren arloko hezkuntza-programak sustatzen ditu. Beka-programaren bidez, fundazioak lanbide-heziketako ikasleei lagundu nahi die, bikaintasuna eta bokazio teknikoa sustatuz.
IMH Campusari buruz
IMH Campus, Elgoibarren kokatua, erreferentea da lanbide heziketan, ingeniaritza dualean eta industriarako formakuntza eta zerbitzu teknologikoetan. Enpresekiko lankidetzan eta ikaskuntza praktikoan oinarritutako prestakuntza-ereduak industria-sektorearen enplegagarritasuna, berrikuntza eta eraldaketa bultzatzen ditu.
