Ekainak 28: LGTBIQ+ harrotasunaren nazioarteko eguna

LGTBIQ+ Kolektiboaren Sexu Askapenaren eta Harrotasunaren aldeko Nazioarteko Eguna ekainaren 28an dela eta Elgoibarko LILA (Elgoibarko Emakumeen Etxea) eta udalak antolatutako ekintzen berri ematen dizuegu:

• Elgoibarko establezimendu, elkarte eta erakunde guztiak gonbidatuta daude erakusleihoetan edo beraien sarreretan "LGTBI+fobiarik gabeko gunea" biniloa erakustera eta, horrela, diskriminazioaren aurkako borrokan bidelagun bihurtzera. Biniloa erakusleihoetan erakustea ez da keinu sinboliko bat bakarrik, printzipioen adierazpen bat baizik. Elgoibarren pertsona guztiek, sexuorientazioa edo genero-identitatea alde batera utzita, seguru eta baloratuta sentitzeko tokia izatea nahi dugu. Binilo hauek HAZeko bulegoan egongo dira eskuragarri datozen egunetan.
• Beste aldetik, gogorarazi nahi dizuegu, Gotzon Garate udal liburutegian eskuragarri dagoela “Elgoibarko LGBTI+ Pertsonen Bizipenen Bilketa”. Ikerketa honek 2022an hainbat elgoibartarri egindako elkarrizketetan du oinarri.
• DESIRA doako Sexu Aholkularitza zerbitzua erabilgarri dago LILA etxean, eta kontsulta presentzialki zein telematikoki egin daiteke (desiraelgoibar@gmail.com).

 Bestalde, erreferentzia batzuk jaso ditugu, interesgarriak direlakoan, zuekin partekatzeko:

• LGTBIQ+ kolektiboko letra guztien esanahia, Ahotsak proiektuaren eskutik
• Zure sexu-orientazioari eta/edo zure sexu- edo genero-identitateari buruzko informazioa edo laguntza behar duzu? Beste edozein zalantza duzu horiei lotuta? Arrazoi horrengatik diskriminazio- edo jazarpen-kasuren bat jasan duzu, edo ezagutzen duzu? Ezagutu BERDINDU! Sexu- eta genero- aniztasunarekin zerikusia duten gaiei buruzko informazioa eta arreta ematen duen zerbitzu publikoa.

GOGORATU: BERDINTASUN PLANAK webgunean ikusgai daudela eta JAZARPEN PROTOKOLOA ere egituratuta eta martxan dugula.

IMH Campus inklusio eta aniztasunaren alde: elkarrekin komunitate inklusiboagoa eta errespetuzkoagoa eraiki dezagun. 🏳️‍🌈