Hemen zaude: Hasiera Ikasleak Heziketa Zikloak Lanbide Heziketa Duala
Heziketa Zikloak

Lanbide Heziketa Duala

Nahi duten Heziketa Zikloetako ikasleek ikasketak eta lana uztartzen dituzte, enpresarekin definitutako urteko hitzarmen baten bidez. Ikaslea enpresako langile kontratatua izango da, eta enpresa zein ikastetxeko tutoreak izango ditu ikasketa prozesuaren jarraipen egokia egiteko. Hona hemen ezaugarri nagusiak:

  • Hezkuntza programa ikastetxe, enpresa eta ikasle parte hartzaileen arteko akordio batean islatzen da.
  • Prestakuntza programa hezkuntza zentruak diseinatzen du, enpresarekin elkarlanean.
  • Lanbide Heziketa Duala nagusiki Lanbide Heziketako goi mailako bigarren urtean matrikulatzen direnentzat bideratuta dago.
  • Lan jarduera urte beteko iraupena duen prestakuntza eta ikasketa kontratuan edo beka baten oinarritzen da. Ikasleak Lanbiden eman behar du izena eta Lantokietako Pretakuntzatik salbuetsita egon beharko du.

Ikasleentzat abantailak

  • Lan kontratuaren sinadura: Ikasle-langileak Prestakuntza eta Ikasketa kontratua sinatzen du, eta honekin hitzarmenak esaten duen soldata eskuratuko du eta Gizarte Segurantzan kotizatuko du. Ondorioz, ikasleak independentzia ekonomikoa lortzen joango da.
  • Autoafirmazio pertsonala: Enpresaren esperientzia bizitzeak erantzukizun handiagoa dakar, eta ondorioz ikasketa akademikoan aprobetxamendu handiagoa eragiten du, non buru-belarri aritzea, kolaborazioa, konpromisoa, iniziatiba eta parte hartzea bezalako jarrerak eragiten dituen.
  • Enpresan murgilduta: Batetik, enpresaren ikuspegi orokorra eta integrala, bere antolaketa eta funtzionamendua bereganatzen ditu. Bestetik, harreman sarea handitzen du.
  • Banakako jarraipena: Ikaslea laguntzea nahitaezkoa da; jarraipenak berebiziko garrantzia du. Ikasle bakoitzak bi tutore ditu, bata enpresan eta bestea IMHn.

Enpresentzat abantailak

Enpresaren neurrira
  • Enpresatik eta enpresarentzat sortutako ikasketak dira, pertsonalaren prestakuntza enpresaren ezaugarrien arabera optimizatzeko. Hainbat beharretara egokitzen da: belaunaldien erreleboa, lanpostu berrien sorrera, barne promozioa, produktu berriak, etab.
Teknikari pertsolanizatua
  • Enpresak zuzenean parte hartzen du profesionalaren prestakuntzan bere proiektuaren neurrira egindako teknikaria lortzeko. Etorkizuneko teknikariak enpresak proposa ditzake (barne promozioa) edota ikasle-hautagaien artean aukeratu.
  • Enpresa osotasunean ezagutzen du, egin beharreko atazak, eta enpresan postu desberdinak txandakatu eta balio-aniztasunaren aukera ematen du.
    Beste enpresa edo erakunde batean ikasitako biziorik ez da suertatzen.
  • Ikasle/langilea hobeto ezagutzeko aukera, enpresaren etorkizuneko egiturari begira. Pertsonen hautaketa fidagarria, ohikoak diren langile kontrataziorako prozesuak ekidinez.
  • Interes handiko, hasierako motibaziodun eta jarrera positibodun pertsonak.

 

Informazio gehiago: Eusko Jaurlaritzaren araudia eta laburpen gida (IKAS-EKINEZKO ERREGIMENEKO LANBIDE-HEZIKETA DUALA)